Posted by : yasiru Saturday, January 12, 2013




හම්මේ ගොඩාක් කාලෙකින් නේ තොරතුරු තාක්ෂණ ලිපියකින් හමුවුණේ.මේ දවස්වල ගොඩාක් වැඩ තිබුණා.අනික මොකක්ද දෙන්නෙ කියල හිතාගන්න බැරුව හිටියේ.කොහොමහරි හිතල හිතල ඔයාලට අවශ්‍යම ටියුට් එකක් උගන්නන්න හිතාගෙනයි මේ ලිපියට අතගැහුවේ.වැඩිය කතානැතුව වැඩේට බහිමු.

උපසිරැසි සැකසීම

මේක ඔයාලට කරන්න වෙන දෙයක්.මුලින්ම කරන්න තියෙන්නෙ චිත්‍රපටයක ඩිජිටල් පිටපතක් සොයාගන්න එක.ඔයාලට කරන්න තියෙන්නෙ කඩවල් වල තියෙන ඔනෑම චිත්‍රපට ඩීවීඩී එකක් අරගෙන එය පරිගනකයට කොපි කරන එක.සාමාන්‍යෙයන් සෑම චිත්‍රපට ඩීවීඩී එකකම ඩිජිටල් පිටපත තියනවා.හැබැයි ඒ පිටපත වින්ඩෝස් මීඩියා ප්ලෙයරයේ දාවනය වෙනවද කියල තහවුරු කරගන්න ඕන.ඒ කියන්නෙ කම්පැටිබල් ෆයිල් ෆෝමැට් එකකින් තිබේදැයි තහවුරු කරගන්න එක.එහෙම වැඩ කළේ නැති වුනොත් වෙනත් ෆෝමැට් එකකින් එය වැඩ කළ යුතුය.එය පරීක්ෂා කර බැලීම සදහා නොමිලේ දෙන වී එල් සී මීඩියා ප්ලෙයරය (videolan.org/vlc/index.html) නැත්නම් ජෙට් ඕඩියෝ ප්ලෙයරයද (jetaudio.com/download) එසේත් නොවේනම් කේඑම් ප්ලෙයරයද (kmpmedia.net) ඔය දී ඇති ලින්ක් වලට ගිහිල්ල ඩවුන්ලෝඩ් කර ගන්න.ඩවුන්ලොඩ් කරගෙන එය ධාවනය වෙනවද කියල තහවුරු කරගන්න.

ඊට පස්සෙ කරන්න තියෙන්නෙ චිත්‍රපටයේ ඉංග්‍රීසි උප සිරැසි සොයාගන්න එක.පමණක් චිත්‍රපට ඇතුළත් ඩීවීඩී වල නම් එම චිත්‍රපටයේ ඉංග්‍රීසි උප සැරැසි තියනවා.මම මේ කියන්න යන්නෙ එහෙම ඩීවීඩී වල නැති අයට ඒක කොහොමද හොයා ගන්නෙ කියලා.ඒ සදහා (subscene.com) හෝ (opensubtitles) යන වෙබ් අඩවිවලින් උප සිරැසි ඩවුන්ලෝඩ් කරගන්න පුලුවන්.ඒ අඩවියට පිවුසුනාම පස්සෙ උඩ තියන සර්ච් බොක්ස් එකේ තමන්ගේ චිත්‍රපටයේ නම ටයිප් කරන්න.ඊට පස්සෙ පෙන්නන උපසිරැසි ලැයිස්තුවෙන් කැමති එකක් තොරගන්න.ඔය උපසිරැසි අතරින් Exact යටතේ ඇති උපසැරැසි ඩවුන්ලෝඩ් කරගත්තොත් හොදයි.ඩවුන්ලොඩ් වුනාම පස්සෙ ඩවුන්ලෝඩ් ෆෝල්ඩරයෙ සිප් ෆයිල් එකක් පෙන්නාවි.එය විවෘත කරගත් පසු .srt එක්ස්ටෙන්ෂන් එක යටතේ ෆයිල් එකක් පෙන්නාවි ඒක තමයි උපසිරැසි ෆයිල් එක.එය කොපි කරගෙන අප විසින් මුලින් හොයාගත්ත චිත්‍රපටයේ ඩිජිටල් කොපිය ඇති ෆෝල්ඩර් එකට කොපි කරගන්න.ඊට පස්සෙ උපසිරැසි ෆයිල් එකට චිත්‍රපටයේ මීඩියා ෆයිල් එකේම නම යොදන්න.රයිට් ක්ලික් කරල රීනේම් කරන්න.(දෙකේ පන්තියේ අයට කිව්වේ).

ඊට පස්සෙ ඩවුන්ලෝඩ් කරගත්ත උප සිරැසි ෆයිල් එක නෝට් පෑඩ් එකෙන් ඕපන් කරගන්න.ඒක කරන හැටි කියන්න වැඩක් නැහැනේ.නෝට් පෑඩ් එකෙන් ඕපන් වුනාම වෙනදට වඩා විශේෂත්වයක් දැනේවි.ඕපන් කරාම නොට් පෑඩ් එකේ උප සිරැසි ඇති පේළි,එහි 1,2,3, ආදිය වශයෙන් තිබේ.චිත්‍රපටය ධාවනයවීම ආරම්භ වූ වෙලාව 0 ලෙස සලකා ගෙවී යන කාලය සටහන් කොට තිබේ.ඊට පහළින් ඇත්තේ චිත්‍රපට රාමුවේ වේලාවකදී උප සිරැසි වශයෙන් පෙන්විය යුතු වාක්‍යයි.මෙම උප සිරැසි සටහනේ ඉලක්කම් වෙනස් නොකළ යුතුය.එහිදී කාලය දැක්වෙන කොටස්ද වෙනස් නොකළ යුතුය.වෙනස් කළ යුත්තේ ඉංග්‍රීසියෙන් දක්වා ඇති උපසැරැසි සිංහලෙන් ලියන එකයි.ඔය සිංහලට හරවන එක කරන්න පුලුවන් ඉංග්‍රීසි දන්න කෙනෙකුට විතරයි.ඔකෙදි සිංහලින් ටයිප් කිරීමට යොදාගන්න ඕන සිංහල යුනිකෝඩ් අකුරු.ඒක සියබස් වෙබ් අඩවියෙන් (siyabas.lk) ඩවුන්ලෝඩ් කරගන්න.ඔය විදියට සිංහලෙන් උපසිරැසි සකස් කරල File මෙනු එකෙන් Save as ක්ලික් කරන්න.ඊට පස්සෙ ෆයිල් නේම් එඑකට නමක් දාන්නෙ නැතුව තියන එකම තියෙන්න දෙන්න.ෆයිල් ටයිප් එකට All Files යන්න තෝරන්න.මෙහි ඇති එන්කෝඩින් යන්නෙන් තෝරාගත යුතු වන්නේ UTF-8 යන්නය.එය සියල්ල ඉවරවුනාම සේව් කරන්න

චිත්‍රපට උපසිරැසි ඇතිව ධාවනය කිරීම

අපි කිව්වනේ සිංහල උපසිරැසි ෆයිල් එක චිත්‍රපටයේ ඩිජිටල් කොපියේ නමින්ම එම ෆෝල්ඩරේම කොපි කරන්න කියල.දැන් ඔයාල චිත්‍රපටය ඕනෑම ප්ලෙයරයකින් ධාවනය වුනාම අර සිංහල උප සිරැසිත් එක්ක පෙනේවි.මොකක්හරි වෙලා උප සිරැසි පෙනුනෙ නැතිවුනොත් ප්ලෙයරයේ සෙටිංස් වලින් සබ් ටයිට්ල් ට්රැක් එක තෝරා දීමයි.ඊට පස්සෙ තියෙන්න ෆුල් ජොලියෙ චිත්‍රපටය බලන්න.ආ තවම ඉවරනෑ.ඔයාලට ඔනනම් ඔය උප සිරැසිවල ෆොන්ට් තෝරාගැනීමද,ෆොන්ට් සයිස් තෝරා ගැනීමද,මීඩියා ප්ලෙයරයේ සෙටිංස් මගින් කළ හැක.මෙ වැඩේට පාවිච්චි කරන්න ඕන මීඩියා ප්ලෙයරය.

උපසිරසි සංස්කරණය කිරීම

අපි දැන් කියල දෙන්න යන්නෙ උපසිරැසි සංස්කරණය කරන්නෙ කොහොමද කියලා.ඕක කරන්න නම් මුලින්ම www.aegisub.org එකට පිවිසිලා ඩවුන්ලොඩ් ලින්ක් එක හරහා ඊජිසබ් මෘදුකාංහය ඩවුන්ලෝඩ් කරගන්න.ඊට පස්සෙ ඒක ඉන්ස්ටොල් කරගන්න.ඊට පස්සෙ ඒක ඕපන් කරගන්න.මේව කරන විදිය මම කියල දෙන්න ඕන නැහැනේ.

ඔන්න ඊජිසබ් මෘදුකාංගය විවෘත කරගෙන File මෙනු එකෙන් Open Subtitles යන්න ක්ලික් කරන්න.ඊට පස්සෙ අපේ උපසිරැසි ෆයිල් එක තෝරා විවෘත කරගන්න.ඊට පස්සෙ අපි ඉස්සෙල්ලා උපසිරැසි නෝට් පෑඩ් එකෙන් ඕපන් කරා වගේ මේකෙත් ඕපන් වෙලා තියේවි.මේකෙ කාල රාමු හා ඒවායේ උපසිරැසි දැක ගැනීමට හැකිවේවි.ඔතනදි උපසිරැසි වලට සිංහල යුනිකෝඩ් භාවිතා කරල වෙනම උපසිරැසි යොදන්න.එවිට ඔබට ඉංග්‍රීසි උපසිරැසි වෙනුවට සිංහල උපසිරැසි යොදාගන්නට පුලුවන්.

මේ පහළින් තියන එකකරන්න ඕන උප සිරැසි සොයාගන්න බැරි වුණ අය පමණයි.සොයා ගත්ත අය ඉහත කී ආකාරයට තටයුතු කරන්න.

අලුතින් උපසිරැසි යෙදීම

අලුතින් උප සිරැසි යොදන්නනම් චිත්‍රපටයේ ඩිජිටල් කෙපිය ඊ්ජිබස් මෘදුකාංගය ඕපන් කරගන්න ඕන.ඔපන්විත් එකෙන් ඕව දන්නවනේ.එහෙම නැත්නම් ඊජිබස් මෘදුකාංගයෙන් Video මෙනු එකෙන් Open Video යන්න ලබාගෙන චිත්‍රපටය විවෘත කරගන්න.ඊජිසබ් වින්ඩෝවේ කුඩා ප්‍රමාණයේ චිත්‍රපට හෙවත් එම වීඩියෝ පෙනේ.එසේ වීඩියෝ දැක ගත හැකි තැනට පහළින් තිබෙන Play Video Starting On This Position යන බට්න් එක ක්ලික් කරන්න.නවත්තන්න ඔන උනොත් ඒකමයි ක්ලික් කරන්නෙ.

අලුතින් උපසිරැසි යොදන කරන්න වෙන දෙයක් තමයි කාල රාමු යොදන හැටි අපි දැන් ඒක කරන්න තමයි හදන්නෙ.මුලින්ම චිත්‍රපටයේ ඩිජිටල් වීඩියෝව ඊජිබස් මෘදුකාංගයේදී ධාවනය කළ යුතය.ඉස්සෙල්ලා කිව්වනේ වීඩියෝව ධාවනය කරන හැටි.ඊට පස්සෙ එම වීඩියොව තාවකාලිකව නතර කළයුතුය.ඒ කියන්නෙ pause කියන එක.ඒක කරන හැටිත් ඉස්සෙල්ලා කියල දුන්නා.අමතක නම් මේ චේදෙට ඉස්සෙල්ලා ඡේදය කියවන්න.පෝස් කරාම පස්සෙ timing මෙනු එකෙන් snap start to video යන්න ක්ලික් කරන්න.මේ විදියට උප සිරැසි කොටසක ආරම්භවෙන වෙලාව ලබාගත් පසු එම වේලාව දක්ණු පසින් ඇති Start Time බොක්ස් එක තුළ දැක ගත හැකිය.ඊට පස්සෙ කරන්න තියෙන්නෙ උප සිරැසි කොටස අවසන් විය යුතු තැනට වීඩියෝව ධාවනය කිරීමයි.අවශය තැන නැවැත්වූ පසුව පෙන්වන්නේ අවසන් වූ තැන වෙලාවයි.එම දත්තය ලබා ගැනීම සදහා Timig මෙනු එකෙන් Snap End to Video යන්න ක්ලික් කරන්න.ඊට පස්සෙ වැඩේ ඉවරයි.

දැන් කාල රාමු හදන හැටි ඉගෙන ගත්තනේ.දැන් කියල දෙන්න යන්නෙ උපසිරැසි කොහොමද යොදන්නෙ කියලා.ඒකට දකුණු පසින් ඇති ටෙක්ස් බොක්ස් එක ක්ලික් කර උපසිරැසි ඇතුළු කරන්න.ඊට පස්සෙ යෙක්ස්ට් බොක්ස් එකට ඉහළින් ඇති Commit නම් බට්න් එක ක්ලික් කරන්න.ඊට පස්සෙ ඉස්සෙල්ලා කියල දීපු විදියට ආයෙමත් කාල රාමුවක් හදල මේ විදියට උප සිරැසි යොදන්න තියෙන්නෙ.මේක වෙලා යන වැඩක්.ඉවසීමෙන් වැඩ කරන්න.

පමණක් අය වැඩ දාන්න බලනවනේ.මේ කියල දෙන්න යන්නෙ ඒ වැඩ දාන්න කැමති අයට.දැන් අපි කියල දෙන්න යන්නෙ උපසිරැසි හැඩ ගන්වන්නෙ කොහොමද කියලා.ඒකට ටෙක්ස්ට් බොක්ස් එකේ ඉහළින් ඇති ටූල් බාර් එකේ Bold,Italic,Underline බට්න් ක්ලික් කර හැඩ ගැන්විය හැක.


වීඩියෝ එකේ ඕනෑම තැනක,ඕනෑම ෆොන්ට් සයිස් එකකින් උප සිරැසි පිහිටුවීමට පුළුවන.ඒවා කරන්න පුළුවන් ටූල් වීඩියෝ එකේ වම් පැත්තට වෙන්න උප අතට ඇති.දැන් ඒවා හදුනගනිමු.Drag Subtitles කියන එකෙන් පුළුවන් උපසිරැසි කොටස අවශ්‍ය තැනකට ඇදගෙන ගිහිල්ල තබන්න.Rotate Subtitle on their z axis මගින් පුළුවන් අපසිරැසි අවශ්‍ය පැත්තකට හරවා ගන්න.Scale subtitles on X and Y axes මගින් පුළුවන් උපසිරැසි වල ප්‍රමාණය වෙනස් කරන්න.ඒකට අවශය උපසිරැසි කොටස සිලෙක්ට් කර ,අදිමින් එහි ප්‍රමාණය වෙනස් කරන්න පුළුවන්.අර වර්ඩ් වලය් පොටෝෂොප් වලයි පොටෝ ලොකු කරන විදියට.

ඔය ඔක්කොම කළාට වැඩක් නැහැනේ උපසිරැසි සේව් කරන්න දන්නෙ නැතුව.ඒකට File මෙනු එකෙන් Save Subtitles  යන්න ක්ලික් කරන්න.ඊට පස්සෙ එන ඩයලොග් බොක්ස් එකේ සදහන් වෙනව සේව් කළ යුතු තැන.ඒකට දාන්න ඕන චිත්‍රපටයේ ඩිජිටල් කොපිය තියන ෆයිල් එක.සේව් කරන කොට චිත්‍රපටයෙ ඩිජිටල් පිටපත රීනේම් කරපු නමම යොදන්න.දැන් සේව් බටන් එක ක්ලික් කරන්න.ඊට පස්සෙ කරන්න තියෙන්නෙ චිත්‍රපටයෙ ඩිජිටල් කොපිය ප්ලේ කරන එක.ඊට පස්සෙ මේ අපි විසින් කරපු වැඩේ තමාගෙ ඇස් පනාපිටම බලාගන්න පුළුවන්.

ඔන්න දැන් තමයි හොදම වැඩේ.ඔයාලට තියෙන්නෙ පොඩි වැඩයි.රු.5000 ක් මගේ බෑන්ක් එකවුන්ට් එකට බැර කරන්න.මම ගියා.කමෙන්ට් එකක් මතකයිනේ.









{ 10 අදහස්... read them below or Comment }

  1. කියලා වැඩක් නෑ. උඹත් දන්න දේවල් යාලුවා. ඔය සාවියේ ඉන්ගිරිස් ඒවට විතරමද යාලුවා උප සිරසි තියෙන්නේ. ඉන්ගිරිස් නම් කොහොම හරි ගැට ගතහැකිනේ අනික් භශා තමයි අවුල ඔය දෙමල වගේ.

    ReplyDelete
    Replies
    1. මම ඔය දාල තියෙන්නෙ සිංහල යුනිකෝඩ් වලින් උපසිරැසි දාන විදිය.කමෙන්ටුවට ස්තූතියි

      Delete
  2. අස්වැන්නට අවැත් ගිය මංසළකුනු ඔස්සේ තමයි මේ ආවේ.

    අපූරු අඩවියක්. ඉගන ගන්න දේවල් බොහොමයි. ආයෙමත් එන්නම්

    ReplyDelete
    Replies
    1. ස්තූතියි දයානන්ද මහත්තයා

      Delete
  3. මම මෙවැනි මෘදුකාංගයක් සොය සොයා සිටියේ. අත්හදා බලලා කියන්නම්....

    ReplyDelete
    Replies
    1. ස්තුතියි ඔයාගෙ කමෙන්ට් එකට,අත්හදා බලල කියන්න

      Delete
  4. හොඩ වඩක් ම්ල්ලි

    ReplyDelete

Welcome

ඕහ්..තවම member කෙනෙක් වුණේ නැත්ද

▪ අලුත් විදියට හිතන්න 
▪ අලුත් දේ ඉගෙන ගන්න 
▪ අලුත් දේ කරන්න 
▪ අපිත් එක්ක එකතු වෙන්න 
▪ ඔයත් දැන්ම සාමාජිකයෙක් වෙන්න.

Followers

Sunday 7.30 a.m

Online සිංහයින්


- Copyright © සිංහPedia -SinHaPedia.com- Powered by SinHaPedia INC - Designed by Yasiru Udana Ransara -